Alta Terra di Lavoro

Giovan Battista Basile – Lo cunto de li cunti (L)

Posted by altaterradilavoro on Apr 8, 2024

LE SETTE COTENELLE TRATTENEMIENTO QUARTO DE LA IORNATA QUARTA

Na vecchia pezzente mazzeia la figlia cannaruta che s’ha manciato sette cotene e, danno a rentennere a no mercante ca lo faceva perché aveva faticato sopierchio a ’nchire sette fuse, chillo se la piglia pe mogliere. Ma, non volenno faticare, pe beneficio de na fata trova lo marito, venenno da fora, fatta la tela e, co nova rasa de la mogliere, se resorve de non farela chiù fatecare, acciò non cada malata.

Giovan Battista Basile – Lo cunto de li cunti (XLIX)

Posted by altaterradilavoro on Apr 7, 2024

LI TRE RI ANIMALE TRATTENEMIENTO TERZO DE LA IORNATA QUARTA

Tittone, figlio de lo re de Verde Colle, va cercanno tre sore carnale maritate co no farcone, co no ciervo e co no derfino e, dapo’ luongo viaggio, le trova e, trovato a lo retuorno na figlia de lo re che steva ’n mano de no dragone drinto na torre, co no signale c’appe da li tre cainate l’have tutte tre leste ad aiutarelo. Co li quale acciso lo dragone e liberata la prencepessa se la piglia pe mogliere e ’nsieme co li cainate e co le sore se ne retorna a lo regno suio.

Giovan Battista Basile – Lo cunto de li cunti (XLVIII)

Posted by altaterradilavoro on Apr 6, 2024

LI DUI FRATIELLE TRATTENEMIENTO SECUNNO DE LA IORNATA QUARTA

Marcuccio e Parmiero, fratielle, uno ricco e viziuso, n’autro vertoluso e pezzente. Se vedeno, dapo’ varie fortune, lo povero scacciato da lo ricco deventato barone e lo ricco caduto ’n meseria connutto vicino la forca, ma, canosciuto ’nocente è da lo frate recevuto a parte de le ricchezze soie.

Giovan Battista Basile – Lo cunto de li cunti (XLVII)

Posted by altaterradilavoro on Apr 5, 2024

LA PRETA DE LO GALLO TRATTENEMIENTO PRIMMO DE LA IORNATA QUARTA

Mineco Aniello, pe virtù de na preta trovata ’n capo a no gallo, deventa giovane e ricco; ma, essennole truffata da dui nigromante, torna viecchio e pezzente e, cercanno lo munno, a lo Regno de li Surece ha nova de l’aniello ed, aiutato da dui surece, la recupera, torna a lo stato de ’mprimmo e se venneca de li mariuole.

Giovan Battista Basile-Lo cunto de li cunti (XLVI)

Posted by altaterradilavoro on Apr 4, 2024

QUARTA IORNATA

Poco ’nanze era sciuta l’Arba a cercare lo veveraggio a li fatecature, ca poco poteva stare a spontare lo Sole, quanno li princepe ianche e nigre se trovattero a lo luoco de l’appontamiento, ne lo quale erano poco ’nanze arrivate le dece femmene, c’avennose fatto na ventrecata de ceuze rosse avevano fatto lo musso comm’a mano de tentore, che tutte ’nziemme se iezero a sedere a canto na fontana, che serveva de schiecco a cierte piede de cetrangolo mentre se ’ntrezzavano le capo pe cecare lo Sole.

Giovan Battista Basile-Lo cunto de li cunti (XLV)

Posted by altaterradilavoro on Mar 27, 2024

LA STUFA EGROCA

Giallaise e Cola Iacovo

GIALLAISE

Singhe lo ben trovato, o Cola Iacovo!