Alta Terra di Lavoro

Giovan Battista Basile – Lo cunto de li cunti (LVIII)

Posted by altaterradilavoro on Apr 17, 2024

GIORNATA QUINTA

Già l’aucielle referevano a la ’masciatrice de lo Sole tutte li ’mbruoglie e tappolle che s’erano fatte la notte, quanno lo prencepe Tadeo e la prencepessa Lucia s’erano conzignate mateniello mateniello a lo luoco soleto, dove se n’erano venute a sisco nove femmene de le dece. La quale cosa vista lo prencepe domannaie perché non era venuta Iacova e, dettole ca l’era pigliata na scesa scoperta, ’n sanetate soia!, commannaie Tadeo che se trovasse n’autra femmena che sopperesse a lo luoco de chella che mancava.

Giovan Battista Basile – Lo cunto de li cunti (LVII)

Posted by altaterradilavoro on Apr 16, 2024

LA VORPARA EGROCA

Narduccio e Cicco Antuono

NARDUCCIO

Prestame na patacca, o Cicco Antuono,

e pigliate lo pigno!

Giovan Battista Basile – Lo cunto de li cunti (LVI)

Posted by altaterradilavoro on Apr 15, 2024

LA SOPERBIA CASTICATA TRATTENEMIENTO DECEMO DE LA IORNATA QUARTA

Lo re de Bello Paiese, desprezzato da Cinziella, figlia de lo re de Surco Luongo, dapo’ che n’appe fatta na gran vennetta redocennola a male termene, se la piglia pe mogliere.

Giovan Battista Basile – Lo cunto de li cunti (LV)

Posted by altaterradilavoro on Apr 14, 2024

LO CUORVO TRATTENEMIENTO NONO DE LA IORNATA QUARTA

Iennariello pe dare gusto a Milluccio re di Fratta Ombrosa fratiello suio, fa luongo viaggio e, portatole chello che desiderava pe liberarelo da la morte, è connannato a la morte; ma, pe mostrare la ’nnocenzia soia deventanno statoa de preta marmora, pe strano socciesso torna a lo stato de ’mprimmo e gaude contento.

Giovan Battista Basile – Lo cunto de li cunti (LIV)

Posted by altaterradilavoro on Apr 13, 2024

LI SETTE PALOMMIELLE TRATTENEMIENTO OTTAVO DE LA IORNATA QUARTA

Sette fratielle parteno da la casa loro perché la mamma non faceva na figlia femmena; alla fine fattone una, mentre aspettano la nova e lo signale la mammana fa errore a li signe, pe la quale cosa vanno spierte; cresce la sore, le cerca, le trova e dapo’ varie socciesse tornano ricche a la casa.