Sancti Thomae de Aquino Summa Theologiae prima pars Quaestio 14 (art.7-8)
ARTICULUS 7
[28940] Iª q. 14 a. 7 arg. 1Ad septimum sic proceditur. Videtur quod scientia Dei sit discursiva. Scientia enim Dei non est secundum scire in habitu, sed secundum intelligere in actu. Sed secundum philosophum, in II Topic., scire in habitu contingit multa simul, sed intelligere actu unum tantum. Cum ergo Deus multa cognoscat, quia et se et alia, ut ostensum est, videtur quod non simul omnia intelligat, sed de uno in aliud discurrat.
Read More